«Қазақстан Республикасы колледждерінің 100 үздік студенті» республикалық конкурсы — сутденттер арасында,ы жарыс қана емес, ел болашағына деген жауапкершілік пен белсенді азаматтық ұстанымның көрінісі. Осы орайда жоба кураторы – Елеусинова Булбул Ораковнамен бұл жобаның миссиясы, коледж студенттер үшін маңызы туралы әңгімелестік
Қазақстан Республикасы колледждерінің «Үздік 100 студенті» жобасы жастарға не береді деп ойлайсыз? Бұл тек марапат па, әлде олардың болашағына әсер ететін нақты мүмкіндік пе?
Бұл – еліміздің колледж студенттерінің белсенділігін айқындайтын жоба. Конкурс арқылы жастар танылып, еліміздің кәсіпорындарына жұмысқа орналасу, жоғары оқу орындарында оқуын жалғастыру мүмкіндігін иеленеді. Топ 100 – үлкен мотивация көзі. Жеңімпаздар өз қабілетіне сенімді бола түсіп, жаңа биіктерге ұмтылады. Сонымен қатар, колледж рейтингісі, педагогикалық ұжымның еңбегіне берілетін баға.
Мұндай жобаларға қатысқан студенттердің бойында қандай қасиеттер дамиды? Мысалы, сенімділік, көшбасшылық, жауапкершілік секілді дағдылар қалай қалыптасады?
Жоба арқылы студенттердің бойындағы көшбасшылық қасиеттері нығая түседі және қоғамдық белсенділіктері де артады. Тек білімдері ғана емес, әлеуметтік белсенділігі, кәсіби құзіреттілігі, нақты өндіріске қажет дағдылары бағаланады. Бұл жоба еліміздің студенттерінің тәжірибесін таратуға және басқа білім алушыларға үлгі болмақ. Сонымен қатар, студенттің шығармашылық қабілетін арттырады. Себебі, жоба барысында ол өзінің идеясы, жеке жобасы және интеллектуалды әзірлемесін ұсына алады.
Сіз үшін жастармен жұмыс істеудің маңызы қандай?
Жастар – кез келген қоғамның болашағы, ел дамуының негізгі қозғаушы күші. Сондықтан жастармен жүйелі әрі мақсатты жұмыс жүргізу – тұрақты даму стратегиясының маңызды бөлігі. Жастар – ертеңгі маман, кәсіпкер, ғалым, саясаткер. Қоғамда оларды белсенді азаматтық ұстанымға, патриотизмге, жауапкершілікке тәрбиелеу елдің болашақ интеллектуалды және рухани әлеуетін нығайтады. Өскелең ұрпақты жаңа идеялары мен бастамаларын қолдау – инновациялық жобалар мен стартаптардың, ғылым мен технологияның дамуына тікелей әсер етеді. Бұл экономикалық және технологиялық серпілістің негізі бола алады.
«Үздік 100 студент» жобасы алдағы жылдары да жалғасын таба ма?
Әрине жалғасын табады, бұл жоба соңғы бес жыл қатарынан өткізіліп келеді және алдағы уақытта да жастардың әлеуетін арттыру бағытында жүзеге асырылады. «Үздік 100 студент» жобасы колледж студенттерінің білім, азаматтық және қоғамдық белсенділік және дағдыны ұштастыру бағытындағы бірегей алаң ретінде өз жалғасын табады.
Бұл жолы жобаға ілінбеген, бірақ тырысып жүрген студенттерге қандай кеңес берер едіңіз? Оларға да мүмкіндік бар ма?
Бір конкурс – бұл тек бастама! Нағыз шеберлік – қайта талпынудан басталады. Жобаға қатысып, бірақ жеңімпаз атанбаған студенттер техникалық және кәсіптік білім беру жүйесінің басқа да конкурс, чемпионат және олипиадаларына қатысып, өз мүмкіндіктерін сынай алады. Жыл сайын жоба қатысушыларының деңгейі артып келеді, бұл оң өзгеріс. Жобаға қатысудың өзі – үлкен жетістік, сол себепті колледжішілік, облыстық не республикалық деңгейде конкурсқа қатысқан студенттер жобаның белсенді қатысушысы қатарында бола береді.
Leave a reply